Plantun de Prouvènço

Pèr coumpara dos planto d'encò nostre

Prunus brigantina & Polygonatum verticillatum

Afatoulié

Prunus brigantina

Rosaceae

Àutri noum : Afatounié, Afatourié, Afàtou.

Nom en français : Prunier de Briançon.

Descripcioun :
L'afatoulié se recounèis l'estiéu à si afàtous (abrignoun, afatoun) verd pièi jaune. Flouris au printèms emé de pichòti flour blanco d'ounte sorton de lònguis estamino. Li fueio, que sèmblon à li de l'ambricoutié vènon bèn à l'après.

Usanço :
Se fai de counfituro emé lis afàtous (emé proun de sucre !), e d'òli de marmoto emé lis amandoun (meseioun). Fau aperaqui 10 000 amandoun pèr n'en faire un litre. J.-R. Fortoul, op.cit., ramento que lis afàtous èron descalagna dóu tèms di lòngui vihado. L'òli èi bon pèr la cousino e pèr sougna li macaduro e lou mau d'os. Se metié un tros de pan dins la sartan pèr leva la forto óudour de l'òli : "Lou pan surbiò lou gros dal fouort de l'óli, l'amarun". Lou darrié moulin s'arestè de vira en 1923 à Suzo (CN).

Port : Aubre
Taio : Pancaro entresigna
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Prunus
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Sebisso - Prado
Estànci : Subremediterran à Mountagnard
Couroulougi : Pancaro entresigna
Ref. sc. : Prunus brigantina Vill., 1786

Cachet-de-Salamoun(-verticillado)

Polygonatum verticillatum

Asparagaceae Convallariaceae

Noms en français : Sceau-de-Salomon à feuilles verticillées, Sceau-de-Salomon verticillé.

Descripcioun :
L'erbo-de-la-roumpeduro-verticillado es uno planto que trachis dins li faio e lis avelanedo de mountagno. A un gros rizoumo d'ounte parton proun de racino. Li fueio soun estrecho e longo, alor que li flour soun groupado i verticillo. Fai de fru vióulet un cop madur.

Usanço :
Couneissèn pas d'usanço medicalo pèr aquelo planto. Bessai que soun li meme qu'aquéli de l'erbo-de-la-roumpeduro. Li fueio soun manjado coume de liume is Indo.

Port : Erbo
Taio : 30 à 60 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Polygonatum
Famiho : Asparagaceae
Famiho classico : Convallariaceae

Ordre : Aspargales

Coulour de la flour : Blanco
Petalo : 6
Ø (o loungour) flour : 6 à 8 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à juliet

Liò : Faio - Avelanedo - Champino à rousage
Estànci : Mountagnard à Subaupen
Couroulougi : Éurasiatico
Ref. sc. : Polygonatum verticillatum (L.) All., 1785

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Prunus brigantina & Polygonatum verticillatum

ges

Coumpara Afatoulié emé uno autro planto

Coumpara Cachet-de-Salamoun(-verticillado) emé uno autro planto